إلى كفربو

by tone | 2 أكتوبر, 2016 6:43 م

نامت بتوب الرهبني وقامت صلا

تزرع ورد ع شفافنا وتقطف حلا

مدّت طريقا للقمر دربا سحر

فتحت بوابا للمجد وصاحت هلا

فيها الطفوله سكبت بروحي الشعر

نور المدارس ضوّا عروش الفكر

فيها الشباب وزهوتو

يدقدق ع قلبي برفقتو

يزيدن غلا

فيها الجذور تهدي لورودي الفرح

كل الأحبّه تجمعوا بساعة مرح

بيي وأمي كاس من دم المسيح

بتناولو كلما ظرفي سمح

كفربو صبيّه مزيّنه بالياسمين

اسكبنا عطر ع صدرك وريحة حنين

بالعيد ولادك دوم فيكي مجمّعين

يحيو القيامه بضحكاتن وما أجملا

زيدي صلاتك بلكي تفتح بواب السما

بلكي الوطن بيضمد جروحو ويرمما

زيدي الصلاه حتى يعودو ولادك للحضن

وحدك إلن روضة سلام بها الفلا

Source URL: https://kfarbou-magazine.com/issue/10757

---