بلدتنا بحاجة تغيير

by tone | 11 أكتوبر, 2017 11:41 م

بلدتنا بحاجة تغيير
من المستخدم للمدير
كل ما بيتعين مسؤول
بيشيل الزير من البير
**

بدنا الرجل المناسب
لكل فاسد بيحاسب
في حظيرة أرانب
الكبير بياكل الصغير
**
يا مثقف احكي بصراحة
ارفع صوتك بالساحة
البعض يمارس وقاحة
بيموِّت حق الفقير
**
حكّلي لحكلك
بتتجاهلني يا دلك
في الحالة رح نهلك
بلدتنا ما فيها كبير
**
يا عيب ويا عيب الشوم
ما عاد عنا قلب رحوم
والمالو حدا مظلوم
حياتو كلللا تعتير
**
بدنا نثقف هالأجيال
حتى نحارب كل محتال
المثقف ما هو ع البال
الحقائق صابا تزوير
**
بلدتنا فيها رجالات
مغمورة وفيها سادات
حرب عليها بهالأوقات
ما أسوء هيك مصير

Source URL: https://kfarbou-magazine.com/issue/11179

---