كفربو الكرامة والشهامة والأدب

by tone | 29 يوليو, 2012 11:38 ص

[1]

كفربو الكرامة والشهامة والأدب
فيها الشباب بيرفعو بكيانها
بعلم وثقافة نوَّروا دنيا العرب
وسهول فيها تغازل بوديانها
عند الفجر بتشوف وبتسمع طرب
من ناي عم بتعلعبوا رعيانها
صبايا بهالبستان بتولِّع حطب
لمة فرح بتصير مع شبانها
والهم لو بيمر ع كفربو هرب
اسآل عنها بالفعل جيرانها
بالصيف فيك تقول نادي للطرب
ربَّك أكيد من الشدايد صانها
والحب زهَّر فوق دالية العنب
بفصل الخريف تذوَّق برمانها
أهلها بالطيب ما بترفض طلب
حتَّى الكرم متأصِّل بسكانها
بالجلجلة عيسى المسيح اللي انصلب
صلَّى لاالله تثبت بايمانها
روح عنها اسآل في حمص وحلب
واللي شرب من ميتا ما خانها

Endnotes:
  1. [Image]: http://kfarbou-magazine.com/wp-content/uploads/101_7811-copy-320x2005.jpg

Source URL: https://kfarbou-magazine.com/issue/1636