مهما الشاعر بشعرو قطف وجنى
بيرخص ع البطل غاوي الشهيد
الشعار مجبورة ع قبره تنحنى
بهالوطن يا بطل إلك الرصيد
فتَّح الياسمين والجوري بحما
وسجِّل يا تاريخ هالاسم الجديد
اسمك صلا وآية من السما
والحزن لما بيقشعك بيصير عيد
حبك يا غاوي في القلب يتملى
عايش بنا وعم ينبض بالوريد
أمك يابطل بايمانا تتحلى
ضحَّى بروحو الأمس هالشب الفريد
يا بي الشهيد جبينك تعلى
بتضحياته هالبطل بقلوبنا بتزيد
الله مبارك سورية اللي بتتجلى
بشعبا الصامد الحر العنيد

تحية حب للشهداء كلا
خلو الباطل عن هالوطن بيحيد
الوطن غالي وعنو ما متخلى
ورايات النصر عم تلوح من بعيد
ـــــــــــــــــــــــــــــــــــــــــ