يا قلم شعشع نورك بوسط الظلام

                                   قبلك أكيد الناس عاشت جاهله

ولا يوم عرفوا ع الأرض معنى السلام

                                     نبهت ناس كتير كانت غافله

هالحاملك بيضل عالي بالمقام

                              وحدك بتبقى … البشر كلا راحله

أبعدتنا بعلمك عن دروب الحرام

                               زرعت المحبة ع دروب القاحله

علمتنا معنى الصلا كيف الصيام

                                بعقولنا صارت علومك ماثله

لولاك كنا نعيش بكهوف وخيام

                                ولا كانت الأحكام عنا عادله

تاريخنا مملوء برجال العظام

                                    بيشكل التاريخ منهم قافله

للكون كانوا يرسموا أحلى نظام

                           مضرب مثل للحق حتى المرجله

عاشوا التفاهم بين بعضهم والوئام

                                 بيساعدوا الأيتام حتى الأرمله

نقطة بقلَّلك ع السطر آخر كلام

                                    يا ريتنا نرجع لهيك مرحله

عيشْ الوداعة دوم كطيور الحمام

                         خلي التسامح دوم في كلْ مسأله

بتكون هاني العيش مالك للزمام

                         بالأخرة بتمشي ع درب الجلجله

 

ـــــــــــــــــــــــــــــــــــــــــــــــــــــــــــــــــــــــــــــــــ