تمنيت حلي طفل عمري صغير

أروي غليلي من القبل مدة سني

يا مطيب الخدين أحلى من الحرير

تا يقبلا الطفل المراهق تنحني

ما كان عندي توق اشرب هالعصير

ولا كانت القبلات وقتا ممكني

كان المخاض بلحظتا بأكد عسير

حتى العواقب ع القلوب مهيمني

ما لاشبيه بهالدني ما لا نظير

نظراتها بالحب كانت آمني

يا ريت بقدر احملا لطير

تا خلصا من هالعذاب بهالدني

ودخلت ع بيتا شعرت بالزمهرير

حسرات جوا القلب عندا ساكني

والأرض فوق ترابها ما في حصير

كانت صوره بطفلها عم تعتني

مومشكلي لو كان سيء هالمصير

بالموت يتساوى الفقير بهالغني

ضميتها ع الصدر وزاد الشخير

قبلتها بسرعة وعواطف كامني

كنت الأميرة وكان يلبقلك أمير

يعقد قرانك شيخ عالي الميدني

طبول الفرح بتدق تعلن هالنفير

ع المثلنا ع الدوم رح تنحني

 

ـــــــــــــــــــــــــــــ