الاثنين 1يناير 2024: هيئة التحرير وادارة موقع المجلة تبارك للجميع بحلول عام جديد متمنين لكم عاما مليئا بالخير والمحبة راجين من الله أن يعم السلام كل سورية ودمتم بخير ..  * 

مشتاق نقعد يوم ع شط الغدير

56b3d1dcae

 

مشتاق نقعد يوم ع شط الغدير

نحكي سوالف بالعشق حتى الغرام

بشوفك أميرة جالسة بجنب الأمير

ولا يوم كان الحب ع العاشق حرام

والما يحب بظن في عقلو ضرير

عاجز بأفعالو على صنع السلام

والحب طعمو دوم أحلى من العصير

بالراس فعلو كان أقوى من المدام

والعاشق الولهان ما بظنو فقير

عايش سعادة وفرح عندو ع الدوام

وبنار حاقد ما بظن بالتشجير

فتش ع ابن الأصل من عيلة كرام

لا تخاف لو مريت بمخاض العسير

لا تختشي شي يوم من نوح الحمام

فوق الجراح بتعتلي بتبقى كبير

بيلبق لشخصك دوم ع صدرو وسام

مهما بفصل الشتا يمر الزمهرير

للعاشق الولهان ما بينخر عظام

إياك يوم تعيش مع غيرك أسير

بتكون عندو بناظرو كومة ركام

بشعر الفرزدق دوم عم يهجو جرير

ولامرة قدر يجاملوا بردة كلام

ــــــــــــــــــــــــــــــــــــــــــــــــــــــــــــــــــ

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *