الاثنين 1يناير 2024: هيئة التحرير وادارة موقع المجلة تبارك للجميع بحلول عام جديد متمنين لكم عاما مليئا بالخير والمحبة راجين من الله أن يعم السلام كل سورية ودمتم بخير ..  * 

العشاق تاري كومة مجانين

565454

 

يا قلب غارق في هوى الحلوين

وبحب عمرو تجاوز الخمسين

ما قدرت تنسى حب عمرو شي سنه

العشاق تاري كومة مجانين

ـــــــــــ

بعدك يا قلبي بحب أعمى مبتلي

فوق الجراح بظن عاجز تعتلي

بتضل حامل للمحبة منجلي

مهما اشتد البرد بكوانين

ــــــــــــــــ

وعدك إلي يا قلب تنسى اللي مضى

ماكنت صادق ليش والعمر انقضى

عنك يا قلبي اليوم ما عندي رضى

ناسي وعمرك جاوز السبعين

ــــــــــــــــــــــ

ذنبك ع جنبك صرت عايش بالخيال

بتضل تتذكر سنة بعمرك دلال

قطعوا ترى بيناتنا حبال الوصال

ولا يوم قالوا يا ولف جايين

ـــــــــــــــــــــــــــــــــــ

مسكين يا هالقلب عايش بالعذاب

ولا قدرت تتجاوز بعمرك هالصعاب

محبوبتك يا حيف بتسجل غياب

بلكي الهم بينجلي بتشرين

ـــــــــــــــــــــ

مجنون ليلى كان في حبو ضعيف

غير ليلى بالدني مالو حليف

عاش العذاب وكان حبو بالخريف

ع قبر ليلى مات وبقلبو حنين

ــــــــــــــــــــــــــــــــــــــــــ

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *