يا دهر يا غدار يا خوان
ويلاه عمري مكتر مصابو
خي منير المات من زمان
جرحو بقلبي فاتح بوابو
يا تاج راسي كنت يا حسان
حظوظي يا ابني بها الدني غابو
لا ضل ابكي ويسمعوا الجيران
للموت ما عد احسب حسابو
بهمي يا حسرة بهالدني غرقان
والهم عندي في الو سبابو
لو متت ما عد ع العمر ندمان
ولا ضل عندي صبر ع غيابو
ريتو وجودي بها العمر ما كان
والعيش يمكن في إلو صحابو
المتلي يا حسرة بها الدني خلقان
ملحد صرت أو فاقد الإيمان
صاير بربي شك بكتابو
الفاسد يا حسرة بكل أمر منصان
وبيطعن المسكين بحرابو
ما عاد خاف ملامة الإنسان
ولا عاد دربي يوم رح هابو
روحي حفيدي يعيش بالحرمان
سنتين عمرو الدهر شو صابو
كل ما بشوفو بتولع النيران
لو يوم شفتو فارغة جيابو
عاش الدلال بيوم بيو كان
بيصرف ع ابنو عشرة تعابو
بعض الأطبا بيشبهوا الحيتان
موتك يا ابني ما خفّت أسبابو