الاثنين 1يناير 2024: هيئة التحرير وادارة موقع المجلة تبارك للجميع بحلول عام جديد متمنين لكم عاما مليئا بالخير والمحبة راجين من الله أن يعم السلام كل سورية ودمتم بخير ..  * 

يا حيف هلِّي بيستحوا ماتوا

101_7811نسخ [640x480]

يا حيف هلِّي بيستحوا ماتوا
مصيبة أهل ما عاد بالحسبان
والأغلبية النسا للمجتمع ساداتو
الرجال صارت تخلع البرمان
حتى الحسد رافع براياتو
والحقد أعمى داس ع الأكفان
والحب غاية كان في ذاتو
هيك صفات الطيب الإنسان
المسكين عايش دوم آهاتو
دموعو بتروي صارت البستان
حتى النهر ما عاد مياتو
تسقي يا حرة شجار هالرمان
الإنسان همو صار غاياتو
يكسب المال مصارعة ثيران
نهاية بعمرو يذكرا فاتو
والموت صار بسلة النسيان
همو الوحيد يزيد غلاتو
ولا يوم فكَّر يطعم الجوعان
لو جاملك بتسيل دمعاتو
ولا عاد عن مصيبتك سألان
رح تنكشف للناس زلاتو
صعبة بيسقي مي للعطشان
صرنا بعصر مالو حساباتو
العندو موال مأعلن العصيان
والبعض منا باع أرضاتو
ناوي برغبة يهاجر الأوطان
الفلاح لو ما حرث أرضاتو
تبقى مراعي عشب للقطعان
مهما الدهر بيجيب ويلاتو
كلو بأذن الخالق الديان
ـــــــــــــــــــــــــــــــــــــــــــــ

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *