by tone | 2 ديسمبر, 2014 7:10 م
[1]
كان رامح يدافع ويمدح البحر, بينما صالح أخذ لواء البرّ نقطف من المساجلة هذه الأبيات دون تعليق:
البرّ: أنا صوت الحق ابن البر بس باح وابن البر يعطي الحق بس بح
أنا أكثر من حوتك صرت بسبح قدر ما فيك هيجان وغضب
البحر: رضعت الشعر يا صاحي بحلمك لحتّى تزيد ع العالم بحلمك
شفت سبّاح ببحري بحلمك لقيت بيقظتك نوم التراب
البر: ماؤك صار ببرّي وحل مي الطبيعة اعطفي على برّي وحلْمي
صحيح شفتك بخيالي وحلمي لكنّو الحلم عمرو ما كذب
البحر:ذكاء البحر رضعانو بالحلام وصاحي كان عم يسبح بالحلام
فكروا من غصن بحري بلح لم طلع بلّوط قاسي ع النياب
البرّ: أنت غذاء للحيتان يا قوت يا قوة عاصفة بالغضب ياقوت
وأنت بداخلك يا بحر ياقوت وعنّا تل تبر يستخرج ذهب
البحر: مهما تلال للتايه علو لو عبق دخان ليعطي علولو
جواهر سامية ببحري ع لولو وببرّك توجد قرامي الخشب
البرّ: الأماني نظرتي وقفت ع لينه برواسي البرع النجمة علينا
هالقرمات لها فضل علينا عجزت وهيّ تعطينا رطب
البحر: لابن البحر افرشوا بالبيت مدّوا أماني ع طريق السير مدّوا
لولا بحرنا للبر مدّوا بأرضوا يبّس حقول العشاب
ــــــــــــــــــــــــــــــــــــــــــــــــــــــــــــ
Source URL: https://kfarbou-magazine.com/issue/8181
Copyright ©2024 مجلة كفربو الثقافية unless otherwise noted.