الابن:

 يابي أنا شديت العزيمة

مهاجر طالب العيشة الكريمة

بيتي تهدم وعايش مهجَّر

نتائج هالحرب صارت وخيمة

ــــــــــ

الأب:

أنت غلطان يا ابني الوطن غالي

بيروي هالأرض دم الرجال

بخريف العمر تاركني لحالي

إذا بتهاجر بعدَّا    هزيمة

ــــــــــــــــــــ

الابن:

يا بي أنت بتهاجر معانا

خطف وقتل يا بيِّ كفانا

من صقاع الدني دخلوا عدانا

حتى يسرقوا كنوز العظيمة

ـــــــــــــــــــــــــ

الأب:

يا ابني لا تخاف من الأعادي

ترى التاريخ يشهد لـ أجدادي

بدهن يهربو من هالبلادي

رؤوسن حانية بصحة سقيمة

ـــ

يا ابني الغرب كافر في فعالو

حق البشربـ يتم اغتيالو

بني صهيون عم يقطف غلالو

العرب عم يدفعوا ثمان الجريمة

ــ

يا ابني ضل عايش في جواري

مهما تآمروا أهل الجواري

يا ابني قول: رح ربيِّ صغاري

يبنوا الوطن بحجاروا الرخيمة

ـــــــــــــــــــــــــ

الابن:

يا بيِّ بطمنك ما عاد هاجر

كل الناس لو بدها  تسافر

 ولا بدي يحققوا معنا المخافر

ولا في ناس بالغربة رحيمة

ـــــــــــــــــ