الأحد 20 كانون الثاني 2019 : صدر العدد السنوي 2019 ضمن سلسلة اصدارات موقع مجلة كفربو الثقافية , فأهلا وسهلا بكم في موقعكم لتصفح المواد الثقافية المميزة ..  * 

دوِّر ع صاحب للوفى فعالو شهود

101_7811نسخ [640x480]

 

إياك تشغل بالك بسر الوجود

بيصير عندك شك في هيك دني

والشك بقودك إلى وادي الجحود

بتمر من فوقك غيوم الداكني

مافي مياه بهيك وادي ولا سدود

أفكار سوده ع العقول مهيمني

تتكون صاحب رأي أو عندك صمود

واجب عليك بقول ربك تعتني

ع الصخر ابنِ بيتك وجه الأسود

بيتك من الايمان لازم ينبني

إياك بالتفكير تتخطى الحدود

إياك لأفكار سوده تنحني

لو جاوبت شي يوم فكِّر بالردود

خاف السؤال يكون من ابن الزني

لا تظن  دربك يوم مفروش بورود

والعيش بين الناس بتظنو هني

إياك يوم تصادق الشخص الحسود

بيركّعك ع الأرض في فترة سني

دوِّر ع صاحب للوفى فعالو شهود

كل الفضائل في ضميرو   ساكني

لربنا بتكون وفيت العهود

ربيت عيله بكتب الله مؤمني

لصاحبك خلِّيك لجارك ودود

بالآخرة بتكون أغنى من غني

ــــــــــــــــــــــــــــــــــــــــــ

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *