الاثنين 1يناير 2024: هيئة التحرير وادارة موقع المجلة تبارك للجميع بحلول عام جديد متمنين لكم عاما مليئا بالخير والمحبة راجين من الله أن يعم السلام كل سورية ودمتم بخير ..  * 

خليك متواضع بأعمالك جليل

101_7811نسخ [640x480]

 

يا صانع المعروف شو حظك قليل

رد الجميل بظن طعنك بالحراب

كل يوم في طعنك عم يقدم دليل

عندو الوفا ع الدوم بيسجل غياب

صعبه على المتلو شبه المستحيل

يتذكر الماضي وألوان العذاب

شو صار في هالدني ما بيحفظ جميل

ما فكرت شي يوم توقع بالمصاب

يا للأسف يا حيف ما بتروي غليل

لو يسألك عاجز على رد الجواب

واللي بينسى الورد في طبعو ذليل

حفظ الوفا ع الدوم من طبع الكلاب

 ابحث ع صاحب وفي من منبت أصيل

شو ما طلب ع الدوم حققلوا الرغاب

 والينكر الاحسان رح أكّد عميل

حتى وعودو إلك من نوع السراب

من هيك ناس بقول لا تربي خليل

غدار من نوع الثعالب والذئاب

لو فكرت شي يوم تنوي ع الرحيل

إياك تنسى في إلك أحباب

خليك متواضع بأعمالك جليل

رب الخليقة معك تتحدى الصعاب

ــــــــــــــــــــــــــــــــــــ

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *