الاثنين 1يناير 2024: هيئة التحرير وادارة موقع المجلة تبارك للجميع بحلول عام جديد متمنين لكم عاما مليئا بالخير والمحبة راجين من الله أن يعم السلام كل سورية ودمتم بخير ..  * 

باقة حب لأهل رباح

عَ سفوحْ وادي شامخه بلدةْ رباحْ
يا طيبْ معشرْ أهلها شو ملاحْ
عينْ فَخرْ وعينْ بو سمعان
بتسقي بساتينا من التفاح
*******
بتسمعْ خريرْ المي بالوادي
نفحةْ زجلْ نغماتْ قرَّادي
البيعيشْ فيها بيعبدا عبادي
وسطوحها ساحاتْ للأفراح
********
حسن الضيافه والكرم عاداتها
لا أهلها مشهودْ في لماتها
شيخ السلم والحرب من ساداتها
عند ذكروا طيبْ عطر وفاحْ
*******
بقلوبنا يا شيخْ عايشْ للأبد
مهما ذْكروا لِشيوخْ متلك ما انوجد
من بعد الله الشيخ حرب بينعبد
يا غايث الملهوف يا شافي الجراح
******
فيكِ عشتْ يا رْباح ما بنكر جميل
عن أهلها بالطيب في عندي دليل
من ميتك شربان اللي بتشفي العليل
لو عشت فيها بالفقر مرتاح
******
مشتاق زورك بعد غيبة هالسنين
منبر ثقافه وعلم واحه من الحنين
للشيخ فيك بحنْ حتى للجنين
بالصيف صرتِ مقصد السياح
*********
عهداً عليَّ أبدْ ما نْساكِ
مستقبلي كَنْ ضاع لولاك
بكلمة زجل رح قول حيَّاكِ
ديك الفجر ليلة وداعِكْ صاح
ــــــــــــــــــــــــــــــــــــــــــ

للتواصل مع ميخائيل تامر هاتف:/0334245109/

التعليقات: 2

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *