باقة حب لأهل رباح
by saloum | 30 أبريل, 2012 11:14 م
[1]
عَ سفوحْ وادي شامخه بلدةْ رباحْ
يا طيبْ معشرْ أهلها شو ملاحْ
عينْ فَخرْ وعينْ بو سمعان
بتسقي بساتينا من التفاح
*******
بتسمعْ خريرْ المي بالوادي
نفحةْ زجلْ نغماتْ قرَّادي
البيعيشْ فيها بيعبدا عبادي
وسطوحها ساحاتْ للأفراح
********
حسن الضيافه والكرم عاداتها
لا أهلها مشهودْ في لماتها
شيخ السلم والحرب من ساداتها
عند ذكروا طيبْ عطر وفاحْ
*******
بقلوبنا يا شيخْ عايشْ للأبد
مهما ذْكروا لِشيوخْ متلك ما انوجد
من بعد الله الشيخ حرب بينعبد
يا غايث الملهوف يا شافي الجراح
******
فيكِ عشتْ يا رْباح ما بنكر جميل
عن أهلها بالطيب في عندي دليل
من ميتك شربان اللي بتشفي العليل
لو عشت فيها بالفقر مرتاح
******
مشتاق زورك بعد غيبة هالسنين
منبر ثقافه وعلم واحه من الحنين
للشيخ فيك بحنْ حتى للجنين
بالصيف صرتِ مقصد السياح
*********
عهداً عليَّ أبدْ ما نْساكِ
مستقبلي كَنْ ضاع لولاك
بكلمة زجل رح قول حيَّاكِ
ديك الفجر ليلة وداعِكْ صاح
ــــــــــــــــــــــــــــــــــــــــــ
للتواصل مع ميخائيل تامر هاتف:/0334245109/
- [Image]: http://kfarbou-magazine.com/wp-content/uploads/images7.jpeg
Source URL: https://kfarbou-magazine.com/issue/944