نادى الوطن مجروح ع رجالو:

مين النشامه دنسوا ترابي

اليفدي الوطن بالروح نيالو

حامي الشرف من خيرة شبابي

والدم غالي كتير رسمالو

رخيص الثمن في قتل إرهابي

مهما طفل أو مقعد اغتالوا

إلهن أكيده حاسب حسابي

ع الوطن هجموا يقطعوا وصالو

حب الوطن مجبول بعصابي

أرواح زهقوا والدما  سالوا

محفوظ جرمن أبد بكتابي

المجرم لاعنا وصل لا حالو

تارك أهل ناسي إلو عيالي

غسلوا دماغو بمال ما طالوا

موعود يقبض لو كسر بابي

لو رب عيله فقد أطفالو

رح قطعن بيقول بتيابي

ناسي الوطن البي إلو بطالو

بيموت قالوا فدا الأحبابي

خاضوا المعارك أوسمة نالوا

يخسى الخوف مسجل غيابي

هذا الوطن هالبطل خيالو

حامي الحمى ومخفف مصابي

ــــــــــــــــــــــــــــــــــــــــــــــــــــ