ياخي بلادنا حلوه وسيمه

by tone | 30 سبتمبر, 2015 9:41 م

ياخي بلادنا حلوه وسيمه

حرام بهيك أزمة تهجروها

المصايب وقعت علينا أليمة

جيوش الأرض جاؤوا يدمروها

الغرب يا ناس صامت ع الجريمه

أكل كبادنا ما استنكروها

عواقب هالحرب صارت وخيمة

رؤوس شبالنا بيقطعوها

علينا واجب نشد العزيمه

الشعب والجيش رح بيحرروها

زواج الحاصل بشرعن غنيمه

التعدي ع الشرف بيحللوها

ع طفله وأمها عملو وليمه

إذا بتمانعن عم يحرثوها

برجال الشرف ونفوس الكريمه

سويدا العرب فشلوا يدخلوها

البطولات الجديدة والقديمة

بصفحات المجد بيسطروها

شعوب بلادنا بطبعا رحيمه

ملوك السفط وشيوخا سبوها

الأطرش فجَّر الثورة العظيمه

على المستعمر حتى يشعلوها

مودة جيشنا وشعبي حميمه

لقمة عيش عم يتقاسموها

جيش وشعب ورجالو حكيمه

ملامح نصرنا رح يعلنوها

ـــــــــــــــــــــــــــــــــــ

Source URL: https://kfarbou-magazine.com/issue/9831