السبت 4 كانون الثاني 2020: موقع مجلة كفربو الثقافية يطلق العدد السنوي 2020م ضمن سلسلةاصداراته وكل عام وأنتم بخير...  * 

غلطان هللي بيهجر بلادو

غلطان هللي بيهجر بلادو
شاعر الزجل ميخائيل تامر
وشلي بغير الوطن ميراث أجدادي
ما بريد غير الوطن مسكن لأولادي
الهجرة من الأوطان عين البهدله
مصعب غياب الابن يا فلذة كبادي
ــــــــــــــــــــــــــــ

يا مهاجرين ارجعوا طولتو الغياب
غير الوطن ما بظن بخفف مصاب
عيش بكرامه وشم ريحة هالتراب
اعمل معك ع الأرض زوادي
ــــــــــــــــــــــ

في ناس غرقت بالبحار عيالها
ولا كان في زورق نجاة يطالها
المهربين يكدسو من موالها
ثرواتها كل يوم ع زيادي
ـــــــــــــــــــــــــــــــ
لوعشت خارج هالوطن اسمك غريب
لا تقول هذا الزمن فرقنا نصيب
كل البشر بتمر بالظرف العصيب
لا تهرب من الوطن يا فادي
ــــــــــــــــــــــــــــــ
غلطان هللي بيهجر بلادو
أهل الأرض ع الدوم أسيادوا
ولا عاد عندو فرح بعيادو
بيذكر خرير النهر بالوادي
ــــــــــــــــــــ
فكِّر بعقلك دوم ما بتندم أكيد
خلي العواطف ع جنب رأيك سديد
لو عشت ع أرضك ترى عمرك مديد
والألم عنا بليلتو غادي
ـــــــــــــــــــــــــــ

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *