الاثنين 1يناير 2024: هيئة التحرير وادارة موقع المجلة تبارك للجميع بحلول عام جديد متمنين لكم عاما مليئا بالخير والمحبة راجين من الله أن يعم السلام كل سورية ودمتم بخير ..  * 

هل مصائبنا من المته ؟

تعلمنا شرب المته

صارت قصتنا معته

كاسه مع بزر الميال

أغلى من جاط الفته 

غيرنا هالوسيله

صرنا بنشرب أركيله

ما عاد في عنا حيله

نحنا بالعيله سته

ـــــــــ

 يا عالم شو هالسمان

ما عندو ذرة ايمان 

عم يستغل الجيران

بكل عيله عندو ورته

ــــــــــــ

 صرنا بأسوء حاله 

بعض التجار حثاله

صاروا علينا عاله

سرقونا بكل حته ـ

ـــــــــ

عملوا حجة هالدولار

بكل ساعه رفعوا الأسعار

طولوا عليناالمشوار 

وقعنا من راس الكته

ــــــــــــــــــــ

 لو سرقنا ما بنلام

ولا بناكل لقمة حرام

إن شالله ترجع الأيام

نخلص من هيك فلته 

ــــــــــــــــ

حكموا علينا بالاعدام

الراتب ما بيكفي أيام

حطموا كل الأحلام

القلب مهدد بالسكته

ــــــــــ

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *