سوريا حياتي

by tone | 7 مايو, 2016 9:04 م

مبارحا عند المسا
لما الغفا مر ع جفوني وانتسا
والليل حامل بقلبو لعلّ وعسى
وع الهدا رحت أمشي أنا

وألعب مع فراشات ماأكوسا
والزهر حدي والشجر جنه مابتنتسا
والناس مليانه حب وفرح ما بتعرف أسى
وأطفال شو حلوي ملاك الرب حارسا
صرت سكرانه بكاسك ياوطن
تنزل دموعي من الهنا مافيني احبسا
ورحت عد حبابك من رجال ونسا
وعد شبابيك الأنس ما أونسا
وعد بواب المحبه بتحرسا
ولما سواد الليل غطا السحر
زعل القمر وين البشر
صارت ع شفافي كلمه تعيدا وتهمسا
سوريا حياتي الليل ليش طوّل
والقارب ما رسا
صحيت وطعم الملح والدم بشفافي
سوريا حياتي بدي بوسا ..

Source URL: https://kfarbou-magazine.com/issue/10482

---