فات الأوان
أجمل بقعة أرض المشتى والكفرون .
خضرة ومياه وبشر من أجمل ما يكون .

فلاح سعيد بحقله والخضرة دار ما يدور .
كل من شاهد هذا الجمال سبح رب العمور .
نظرة حب واعجاب فيها تكريم الفلاح
عايش ببساطة ولقمة هنية ومرتاح
إله الكون العالي يديم محبة أهل الوادي
شباب وصبايا ايد بإيد عا الدبكة بأغاني بلادي .
جو الطبيعة نسيم عليل بيزيد عمر الأهالي .
حسدناهم وقلنا نعمة حلت بأهل الوادي .
بس يا خسارة دخلت ها الحضارة بها الوادي .
صار الفلاح بدون حطة وطربوش وشروال .
صار يلبس طقم الأفندية والمرأة تخلت عن ثوب العز والجمال .
والعلم الذي هو نور للبشرية بنظري أصبح نقمة وأزية .
بعنا الأرض والشجر لمتعهد وبنا مكانه إسمنت وحجر .
وصرنا ننتظر آخر الشهر تا نأخذ الأجر المنتظر .
حل الغراب محل البلبل والحسون . شو منتظرين يا أهل الكفرون ؟
بعنا الأرض لمين ما كان يكون بس عطينا عمله (1) شو ما يكون .
جاي وقت يلعن فيه الزمن يلّي باع أرض المشتى والكفرون .
ملاحظة : كتبت هذه الكلمات بعد ما شاهدت مدى التغيير الحاصل في هذه المناطق نتيجة الطمع من قبل الناس في التوسع في البناء من اجل الكسب والربح السريع على حساب الخضرة والجمال بتاريخ 30/10/2005م . هي خاطرة وجدانية وليست نظماً .
(1) القصد بـ العملة : النقود .
أكرم ميخائيل إسحاق