السبت 4 كانون الثاني 2020: موقع مجلة كفربو الثقافية يطلق العدد السنوي 2020م ضمن سلسلةاصداراته وكل عام وأنتم بخير...  * 

شهيد الوطن ضحى في شبابو

شهيد الوطن ضحى في شبابو

                          

 في رثاء الشهيد بشار السعد

 

 

دموع العين سلت رحل بشار

شهيد الوطن ضحى في شبابو

بعض أحيان تاري الدهرغدَّار

طول العمربيقدم عذابو

بأرض المعركة صنديد مغوار

بساحات الوغى الأعدا تهابو

ترك زوجة وحيدة تعيش بالدار

مع أطفالها تحمل مصابو

حمل سيفو بيدُّو كان بتار

حامي للوطن يروي ترا بو

خسارة كان فجأة شبه اعصار

يهاجر هالدني تارك حبابو

تاري هالدني ألغاز وسرار

 لهذا الموت ما بنحسب حسابو

خلقنا نعيش بهالكون أحرار

العمر بتم أحيان اغتصابو

دخل ع بلادنا ي حيف أشرار

حتى يقطعوا وصالو ورحابو

نصف العمر مضيتو يا أحرار

فداك الروح يا هالوطن طابو

مانة تكملو بدي المشوار

لا تظنوا عيوني عن الوطن غابو

وأنا معكم برحي ليل ونهار

الي يخون الوطن فاقد صوابو

بساحات الوغى دوسوا على النار

حتى الشر نقضي ع سبابو

ع جنة ربنا بشار سيَّار

ملاك الرب فاتحلو بوابو

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *