السبت 4 كانون الثاني 2020: موقع مجلة كفربو الثقافية يطلق العدد السنوي 2020م ضمن سلسلةاصداراته وكل عام وأنتم بخير...  * 

ريح وقهر عالباب…!!

قصيدة من الشعر الشعبي …إلى أصدقائي الأعزاء….أهديها إلى كل الذين هاجروا…وابتعدوا عنا…نحلم بعودتهم .

ريح وقهر عالباب…!!
ريح وقهر عالباب يا أمي دفيني
ما رجعوا هالأحباب ولاقالوامسكيني
يوم الوفاما غاب تعبوا..شراييني
عصفور قبل الضو زقزق عا شباكي
صلى صلاةالحب وقلي ما بنساكي
بيكفي يا عصفور همي ..مكفيني
لما وقعت عالدرب كتروا..سكاكيني..
ياأمي ليش القهر فتح على بوابي
دبلت ليالي العمر من سافروا..حبابي
ماضل عندي صبر لو عندك..عطيني
عليي الصبح ماطل والليل تشريني..
فتشت ما خليت لامفرق ولا بيت
وقلبي شمع ضويت تنور سنيني..
غير العتم مالقيت دبلو..رياحيني..

وبليلة من كانون تلج وبرق وجنون
صاح الهوى المجنون: بردان..غطيني.. وفجأة اندق الباب خفت رجعت مرتاب مني وقع الكتاب وبراسي ميةحساب يمكن اجوا..الغياب ماصدقت عيني..!!

بالعتمه خصلة شعر وزنود يمكن سمر
وردات بيض وحمر وعيون مثل الجمر
وشنتة سفر بالسر قالتلي :ضميني..

روح عني روح يا قهر حاجي تبكيني
رجعوا حباب العمر يا أمي هنيني.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *