القطعة الي ع شمالي

by tone | 9 فبراير, 2019 11:54 م

كل يوم بضويلك شمعة

وبدعي لرب السما

ماتنزل من عينك دمعة

والضحكة ع وجك يرسما

 

كل يوم بصليلك صلاتي

وبطلبلك من جواتي

الله بالراحة يفرش دربك

يشيل الوجع ويمحي همك

مابتصدق لو قلتلك

ويمكن بالسموات احلفلك

لتعرف بقلبي شو بكنلك

حب وحنان وشو بقلك

ادي بحس فيك

يمكن نفسك بصدري بيمشي

يمكن عم حس بكل شي

عم يوجعك عم يقهرك

ويمكن ماعم اقدر احكي

لو تعرف شو جاي عبالي

ضمك وشمك وتصير خيالي

ابقى معك وتبقا قبالي

يمكن وقتا بتحس

انك القطعة الي ع شمالي

Source URL: https://kfarbou-magazine.com/issue/11707

---