عندي للحلا تغرّد قوافي

by tone | 2 يناير, 2020 7:55 م

  قصيدة زجلية خاصة بأهالي بلدة كفربو وهذه القصيدة من صدى الحوار مع الدكتور عبد الرزاق نوير في مجلة كفربو الثقافية
.

 

 

أنا اللي بحب كفربو وكل أهلا
بنوا عمران بحجر أبيض هفافي
وشقوا بالمقالع كم مغارة
وإلهم من المحبين الآلافي
لأجلن قبّل البرج المعظّم
ولأمشي فوق صخر الوعر حافي
بنوا أهرامهم ببيوت حرة
وكان الهرم مونة شتا دافي
يوحنا هون والياس وميخائيل
شبابن للوطن كل شب وافي
صبايا العلم والأحلام قالت
ما فيهم ولا مكيال غافي
بكفربو حلم للطب الشعاعي
جموح المدى ولا فيها حصان جافي
بها العريش والزيتون ينمو
وأعذب رشف معتق ع شفافي
نسيم الصبح تهليلات فيروز
اجا الغايب من الهجران لافي
طهر أيقونة الدير وتراثه
حماه الرب وهذا الحب كافي
سورية صلا تراتيل المعنّى
وطعم الشام أطيب من كنافي
يا فادينا لهالأوطان خلّص
أزيح الهم بلوى على كتافي
لأن الشام للدنيا منارة
من الأحلام ثلجتنا ندافي
بحرنا حارس بالفدا ربان
الآمين وعلم مفرح بالرفافي
أنا ربيت أولادي بجدارة
وكبروا بالمحبة والثقافي
أنا صوّتت لنجوم الليالي
ولا أهمس ويبقى السر خافي
المجد متل الذهب كل ما مس نيران
تنقى من الشوائب وصار صافي
يا ربي الظلم زعزع في ديارو
وابقي الناس في سلم وعوافي
من تومين طل الشعر عالي
من لطفي دفع كل اللطافي
الى كفربو والمجلة وحوار دكتور
وعندي للحلا تغرد قوافي

Source URL: https://kfarbou-magazine.com/issue/11768

---