الضمير براس ناس كتير معدوم

by tone | 2 يناير, 2020 7:59 م

يا رب عيد الحق للمظلوم
شايف ع قلبو تكدسوا الهموم
وحدك أنت قادر يا رب الكون
زيل المآسي وساعد المحروم
ـــــــــــــ

 

 

شفت العدل بالدنى مفقود
ظلم البشر يا حيف مالو حدود
من عهد آدم هالأمر موجود
ما في شتا ع الأرض دون غيوم
ــــــــــــــــــ
البعض بيظن في عندو شطاره
بين الناس يجلس بالصداره
ع حق الغير يتعدى بمهاره
بحساب الآخرة بالنار محكوم
ــــــــــــــــــــ
جريمة تاكل حقوق اليتامى
إذا كانوا على حقوقن نيامى
رجال الحق لو شهرت حساما
بسيف البعض رح بتكون مكلوم
ـــــــــــــــ
الحياة بهالدني رحلة قصيرة
عواقبها على الفاسد خطيرة
بعض الناس لليرة أسيرة
امرن بين كل الناس معلوم
ـــــــــــــــــــــ
قبل الموت راجع في حسابك
قبل ما يدق عزائيل بابك
بثواني مؤكدة تسجل غيابك
الضمير براس ناس كتير معدوم

Source URL: https://kfarbou-magazine.com/issue/11772

---