كفربو قطعة من الجنة

by tone | 2 يناير, 2020 8:41 م

اسأل هالعالم عني
أنا قطعة من الجنه
كل مين بزور كفربو
يسكن فيها متهني
ـــــــــــــــــــــ

 

ليل كفربو أحلى ليل
القهوة فيها عطر الهيل
بضوي فيها نجم سهيل
للسهرها فيها تحني
ـــــــــــــ
لو تتمشى ع المشوار
رح تنظم فيها أشعار
بترقص ع نغمة أوتار
بليلة عرس بالحني
ــــــــــــــــــــــــ
كفربو الله حاميها
في خيراتو عاطيها
شو حلوة مبانيها
في الها طنة ورني
ـــــــــــــــــــــ
لو زرتا فيها بتشوف
أهلا كتلة من المعروف
فيها تتكرم لضيوف
لو تحضر عرس تغني
ـــــــــــــــــــــــــــــ
كفربو شمعة ببلادي
بتضوي السهل والوادي
يعبدها قلبي عبادي
شهادة ما هي مني
ــــــــــــــــــــــ
جربت ابتعد عنك
رجعت اتبارك منك
لا تزيدي فيّ ظنك
برجعتنا رح تتهني
ــــــــــــــــــــ
شباب كفربو نشامه
فيهم نخوة وكرامه
ع جبينن في علامه
من لون الأرض البني

Source URL: https://kfarbou-magazine.com/issue/11805

---