الاثنين 1يناير 2024: هيئة التحرير وادارة موقع المجلة تبارك للجميع بحلول عام جديد متمنين لكم عاما مليئا بالخير والمحبة راجين من الله أن يعم السلام كل سورية ودمتم بخير ..  * 

السافل في طبعو غدَّار

كل ساعة بتسمع أخبار
عم يرتفع هالدولار
شو بيعمل كل موظف؟
براسو متولع بالنار
ــــــــــــ

 

 


من المركزي دولارن
والسوق السوده سعارن
عندن خبرا في كارن
خافوا الله يا تجار
ــــــــــــــــــــ
شو بتعمل هالحكومه
دولارن نصف القيمه
التجارة صارت غنيمة
اغتنوا من رفع الأسعار
ـــــــــــــــــ
كافي تمدن دولارات
عم يلعبوا ع الحبلات
عملوا قصور وبنايات
بالآخر طلعوا شطار
ـــــــــــــــــــــــ
راتب الموظف محدود
صار الغلا ما لو حدود
كل شي بتحتاجو موجود
وبالجيبة ما في دينار
ـــــــــــــــــــــ
الأزمة كشفت ناس كتير
ما عندا ذرة ضمير
بسرقاتو بيعمل أمير
وبيتعالى ع الأحرار
ــــــــــــــــــــــ
علينا أكبر واجب
هيكي نوعية نحارب
ثبتت كل التجارب
السافل في طبعو غدار

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *