مؤكَّد رح تدخل ع النار

by tone | 2 يناير, 2020 9:32 م

بتعطي ولادك هكتارات
ما بتعطي بناتك أمتار
تدخل ع الجنة هيهات

 

 

مأكد رح تدخل ع النار
الكنة عينا ع الأرضات
بتساير عما الختيار
تبيعن تركب سيارات
باقي الحبل ع الجرار
بتعجز بتدوق الويلات
تندم ع الجرى والصار
وين محبة هالكنات؟
يمكن يطول المشوار
صار العتب ع البنات
قصروا بحقك أمرار
حكِّم ضميرك بالذات
شايف شو صاير بالجار
لاصوم ولا صلوات
بتبرر لك هالأعذار
يا ويلك من الحسابات
عند الله بتاني دار
بنصلي عدة مرات
يهديك بعيد الأسرار
تهرب من هيك غلطات
عاجز تشكل فرار
ضل مفتح هالعينات
قبل ما تعمى الأبصار
الله بكل الديانات
حذر كل ظالم غدار

Source URL: https://kfarbou-magazine.com/issue/11846

---