همسات

خوفي يا أمــي كون حبيتو
………..قلبــي خفق بالصدر حسيتو
هدا الشعور ال كنت خبيتو
……..يـوم ال بإسمو خفت لو سمِّي

صوتو يا إمي هزني متل الرعد
…….رجّف ضلوعي صابني نوبة برد
شفت بخدودي فتحت باقة ورد
……..قولك يا أمـــي بكون منحمـة؟
_ الأم …..
قالت يا بنتي ســــلامتك منو
……..هدا المرض بالــذات مع إنّــــو
كل ال حبّـوا و فارقـوا و جنـوا
……….قالوا لنا الأيــــام مبتســـمي

كلمه قلوب كتار قالوها
……….لكــن مع الأيــــام عرفوهــــا
و عاشوا بجحيم و نار خبوها
……..بين الضلـــوع و روح منسَـمِّه

شيلي الهوى و الحب من بالك
…….و عيشي بسلام و خير أهنا لك
قبلك بنــــــــــات كتـار أمثالك
……..ظنوا الهـوى و الحب شي قمة
***************************
قالوا البنات بحزم رح نطلع
………أعلى القمم للقــول ما منركع
و صار ال ياريت و كان بينفع
……..التّــــلاّت طلعوا حفـر منطمي

و غرقوا بوحل الندم و الآهات
…..صاروا يلوموا الوحل و الحفرات
بتنسى النصيحه و أصدق الكلمات
……..لمّـــا البنـــت بتكـون منغرمــه
**************************
_ البنت ……
قالت يا إمي هالحكي معقــول
…….نصو صحيح و ما بقى مجهول
قلتي و قالـــوا و قلب بدّو يقول
………..بدّو يا أمــي بس لو ضمّة

الشاعرة فهيمة يوسف -طرطوس-عين حفاض