الأحد 20 كانون الثاني 2019 : صدر العدد السنوي 2019 ضمن سلسلة اصدارات موقع مجلة كفربو الثقافية , فأهلا وسهلا بكم في موقعكم لتصفح المواد الثقافية المميزة ..  * 

درب المحبة

ليش القلب داير بهالايام
ما عاد في بنت حلوة يؤويها
درب المحبة تسكّر باوهام
وغيم الكذب خيّم عا اراضيها
ئن الحكي من بعدها ونام
شو نفع الحكي اللما كان يكويها
صدق العاطفة ما تحكموا احلام
ان كان القلب بالحب بانيها
ما عادت الناس من حكيها تنلام
روح الصدق فقدت دواعيها
كنّا القلوب خسرت الالهام
ما عاد نار العشق يرويها
خلّي بقلبك للعشق انغام
يمكن شي يوم رح تغنيها
آه يا دهر شو صرت تنلام
رجّع قلوب الناس للي شاريها
صوت الحقيقة ما بقى ينضام
رب الوجود رح يحكمك فيها
وترفرف عا دروب العشق أنسام
تعيد العاطفة للكان حاويها

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *