كفربو يا آية الصلا

by tone | 29 يوليو, 2012 11:49 ص

[1]

بلدتي كفربو يا آية بالصلا
بالمجد والايمان تاريخا اعتلا
يا شامخه بالعلم والشبان
بيرحبو بالضيف بيقولو :هلا
*************
البيعيش فيها دوم مرفوع الجبين
واللي بيشرب ميّتا كتلة حنين
اسأل عنها الشيخ واسأل الجنين
في بطن أمو قال أحلى من الحلا
*************
زوروها بالصيف واحة للجمال
فيها مواسم فرح مع وفرة غلال
مقصف لميس الريم والعرزال
وبالمنتجع همّك أكيد بينجلا
****************
فيك جمال من الطبيعة والبشر
منبر مجلة حب يعطيك الخبر
ادخل ع موقعنا بتحصل ع العبر
في حب موقعنا أكيد بتنبلا
****************
قول الحقيقة والصدق عنّا أكيد
رح تستفاد من الرأي عنا سديد
من المعرفة لو كان في عندك جديد
رح ندرسا بالحال فينا نسجلا
*****************
فتّش على قول الحقيقة واكتبا
وإيّاك بالأدراج يوم تعّلبا
للناس بالمعروف فيك تخاطبا
رح يظهر الموقع بصوره ما جملا
******************
يا مهاجرين ارجعوا لا عنّا
فيكم إذا ارجعتو بنتهنا
مشتاق الكم جرجس وحنّا
الضيوف من عاداتنا مندللا

Source URL: https://kfarbou-magazine.com/issue/1640

---