الأحد 20 كانون الثاني 2019 : صدر العدد السنوي 2019 ضمن سلسلة اصدارات موقع مجلة كفربو الثقافية , فأهلا وسهلا بكم في موقعكم لتصفح المواد الثقافية المميزة ..  * 

ورحل خالي…. قصيدة زجل رثاء الراحل مطانيوس مقدسي

 

 

 

يا رفيق  العمر  انسى  مستحيل             عِشْرةْ   عمرْ  والود  لِي بيناتنا

 

إِنتْ خالي   بالوفى  ما  لك مثيل             ليلة فراقك   ختمتْ   زياراتنا

 

سبعين  عام  وما إلي عنَّك بديل             رح نذكرك ع الدوم في لماتنا

 

بصلِّي  لا الله    بفتح    الإنجيل             بالآخرة    مسواك  في جناتنا

 

رح يذكروك الناس ويقولوا أصيل            يا ريت   متلو   خلَّفوا أماتنا

 

كنت الدوا لا مريض   شافي  للعليل           نغَّص    علينا  فراقكم فرحاتنا

 

بلمحة بصر يا خال تنوي ع الرحيل         منعدَّها   ع الدوم من   غفلاتنا

 

فراق  الأحبة  ع الوفي ليلو طويل           بيعد   طول الليل  في نجماتنا

 

ساعة   فراقك   و  الدموع   تسيل            بالقلب  غصة  عايشة جواتنا

 

مهما   بكينا  البكا ما  بيروي غليل          ما  لا   دوا  عَ  فراقكم  علاتنا

 

يا  صاحب الأخلاق  والطبع النبيل          يا تاج راسي كنت من ساداتنا

 

ذكراك  باقي  بين  أقرانك     جليل         عند  ذكرك  تنحني    هاماتنا

 

فراقك   علينا  كارثة  ما   هو قليل         ع الراس  صرنا  نلطم بدياتنا

 

ربي  يتوج   راسك           بإكليل         وتكون خاتمة الحزن دعواتنا

 

يا خال   تارك  من بعد  موتك  رعيل     ما هي الهريبة يوم من عاداتنا

 

 خلَّفتْ بعدك   أرملة بجسما  العليل    مين اليدُاوي -صرخت – جروحاتنا

 

 رح   شعِّل   الشمعات     بالقنديل         ونْظم قصيدة شعر من كلماتنا

لا زور    قبرك   جود ْ   بالترتيل           حتى الموتى يشاركوا بِصْلاتنا

ـــــــــــــــــ

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *