by tone | 2 ديسمبر, 2012 11:45 ص
[1]
ياشمسنا اطلعي تنطفي هلمصباح
حتى نودع بشروقك ليالينا
فلِّت العتمة وديك الفجر صاح
نورك ع درب الخير يهدينا
صحينا عطلتك.الليل ولَّى وراح
خيوطك ارتسمت ع روابينا
مشينا سوى العامل والفلاح
ندهنا يا رب من الأذى تحمينا
قطر الندى من الجبل عطرو فاح
هدير المي عم يضحك بوادينا
نتغريد هلشحرور زهَّر التفاح
العنب عم يرقص في دوالينا
زهر أريج الأرض لبَّسها وشاح
نهر الخير عم يجري بسواقينا
يارب في بلدنا تدوم هلأفراح
سلام المحبة يرسي في أراضينا
Source URL: https://kfarbou-magazine.com/issue/2509
Copyright ©2024 مجلة كفربو الثقافية unless otherwise noted.