تجار الأزمات

by tone | 3 ديسمبر, 2012 11:42 ص

[1]

 

يارب ما أظلم بني الإنسان
يسرق تا حتى يكتِّر موالو
بيحلل السرقة من الجيران
ما بيعتقد في حساب لاعمالو
مهما يصلي ويطلب الغفران
مال الحرام يضل ع بالو
بينهش بجسم الحمل كالغربان
ع الناس عم تحتال أمثالو
بيقول عن حالو أنا ابن الزمان
بيرفع جبينوينكس عقالو
حولو اليتيم مريض أو جوعان
عايش بكوخ صغير لحالو
يا رب صرنا بعصر هالطغيان
القادر ع فعل الخير نيَّالو
بمقدرات الشعب هالحيتان
سرقوا موالو جمَّعوا غلالو
حق البشر بالتدفئة منهان
وبٍسوق سودا انباع بريالو
صار الفقيربأغلب الأحيان
للظلم وحده بس شيَّالو
لا ضل تقوى ولا بقي ايمان
ولا ابن أخت بحترم خالو
من شان الله حاربو الشطان
الهربان, حتى يعود لعيالو

Source URL: https://kfarbou-magazine.com/issue/2601

---