الاثنين 1يناير 2024: هيئة التحرير وادارة موقع المجلة تبارك للجميع بحلول عام جديد متمنين لكم عاما مليئا بالخير والمحبة راجين من الله أن يعم السلام كل سورية ودمتم بخير ..  * 

مجنون في حب الغوالي ومبتلي

 

يا قلب حاجي تعتلي فوق الجراح
مجنون في حب الغوالي ومبتلي
شو ورطك يا قلب تعشق في رباح
فوق الجراح بظن عاجز تعتلي
بيصيح ديك الفجر وبيلوح الصباح
سهران صعبة كتير هيك مسألي
بالحب مافي محرم وكلو مباح
ضمن الحدود وبشرع الله محللي
والحب كلو مرجلي بدو كفاح
تاتنتصر ويصير اسمك بو علي
شو بيستفيد العاشق بكتر النواح
ما بظن موتة قيس كانت مرجلي
أكثر قصص هالحب بدأت بالمزاح
وبداخلا الاعجاب كانت حاملي
والحب منو بحاجةعواصف أو رياح
بدو رصانه وصوت هادئ مخملي
ما أجمل ليالي الصيف والأفراح
رقص الصبايا مع شباب العائلي
ـــــــــــــــــــــــــــــــــــــــــــــــــ

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *