من كف عامر اشربي يا طيور

by tone | 1 مارس, 2013 11:06 ص

[1]

قصيدة زجلية رثاء الشهيد عامر جروج

  ع نعش عامر  رشرشوا العطور

                                    خلوا الرصاص يزغرد بدياتنا

  كفربو الكرامة دوم معقل للنسور

                                  بالحال سالوا ع النسر دمعاتنا

تربيت ع حب الوطن كنت الغيور

                                 بأرض المعارك ترفع براياتنا

يا بي عامر كون ع فراقو صبور

                              الله بيعطي الصبر ع ويلاتنا

صلي لله وشعِّل البخور

                        نحن معك بنشعل بشمعاتنا

نحن شعب معروف ع مر العصور

                              حب الأرض مجبول في دماتنا

والحب عنا دوم ساكن بالصدور

                                  بنفجروا ع الدوم في لماتنا

يا أم عامر وقع  هالمقدور

                               مذكور هالمقدور بدياناتنا

المرحوم خاض المعركة من شهور

                               قال الأهالي  بيحلفوا بحياتنا

زوروا القبر رشوا ع قبري زهور

                                 صلوا لله يقبل بدعواتنا

روحوا ازرعوا لي ع القبر منتور

                              والعين تدمع يرتوي بدمعاتنا

الله بيسمع دعوة المغدور

                             وتكون في جنة عدن بيناتنا

لعيون عامر بخروا القبور

                            واتلو ع قبرو دوم من آياتنا

قبر الشهيد معنون وممهور

                         معروف بصماتو على حجراتنا

لا روح زور القبر ما قبل السحور

                   واسكب دموعي ونوح في حسراتنا

من كف عامر اشربي يا طيور

                            وادعي لربك يقبل بدعواتنا

Endnotes:
  1. [Image]: http://kfarbou-magazine.com/wp-content/uploads/101_7811-copy-320x2006.jpg

Source URL: https://kfarbou-magazine.com/issue/3346