للمتلك بيلبق على راسو عقال…إلى الأخ أبو سليمان
by tone | 13 يونيو, 2013 7:13 م
[1]
يا شيخ بوسليمان يا فخر الرجال
يا ابن المكارم للشدايد أهلها
يا نبع طيب تفجروا بالحال
مهما الأمور تعقدت بتحلها
يا ما مفرِّج هم عن قلب العيال
مالت حمال الناس يمَّك جلها
للمتلك بيلبق على راسو عقال
يا شيخ فيك الأهل تحلف كلها
ما بتنتسى طول العمر ع البال
حامل رؤى بالحق تفعل فعلها
شربنا المدام ورندح الموال
فخر بأبو سليمان زارع فلها
ظهور الأصايل يعتلي الخيَّال
مستضعف ومظلوم تروي غلها
سيفك آيادي الغدر يا ما طال
يا سنديانه شامخة في ظلها
عندك دوا ع الدوم لمراض العضال
صيتك بعالي جبالها وسهولها
ع الدوم بوسليمان عنوان الكمال
ولا خلق متلك ناس حتى نجلها
ــــــــــــــــــــــــــــــــــــــــــــــــ
Endnotes:
- [Image]: http://kfarbou-magazine.com/wp-content/uploads/2013-03-09-11.56-320x200.jpg
Source URL: https://kfarbou-magazine.com/issue/4383