السبت 4 كانون الثاني 2020: موقع مجلة كفربو الثقافية يطلق العدد السنوي 2020م ضمن سلسلةاصداراته وكل عام وأنتم بخير...  * 

خلِّي دربك عَ كفربو

 

 

مهداة إلى أهل كفربو

 

– يا اللّي تعلمتو عَ الحب قالو لي كلْ الحبُّو

لو بدَّكْ شي يوم تحب خلِّي دربك عَ كفربو

***

فيها الصبايا الحلوين والشباب تملِّي العين

منتور وفل وياسمين والجوري ضحك بعبُّو

***

رحنا عَ كفربو زياره زرناها حاره حاره

ماحْلى بيوتا وحجاره وميَّتا شو بينشربو

***

يا بلدتنا لاتخافي ابنك عَ الديري لافي

قلِّلك يمَّا العوافي بالغربه كلُّن تعبو

***

بكرا رح نرجع عَ الدار نسقي الورد البعدو زرار

متل الطير ومهما طار رح يرجع يلحق سربو

***

كفربو رح تبقى بقلبي شمعة تضوِّي عَ دربي

أحلى كليل المحبي يا عالم ضلُّو حبُّو

***

من قلبي فرحت وهنِّيت موقعكم عَ الانترنيت

دْ خلتو كل عقل وكل بيت يا ربِّي تنوِّر دربو

***

يسوع بنورو تجلَّى وكرمى للورد صلَّى

وإذا بدَّك تتحلَّى خلِّي دربك عَ كفربو

 

ـــــــــــــــــــــــــــــــــــــــــــــــــــــــــــــــــــــــــــــــــــ

التعليقات: 1

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *