شو صار فينا ؟

by tone | 31 أغسطس, 2013 12:34 م

101_7811 copy [320x200][1]

 

يا ناس ليش الحسد والموت ع الأبواب

والحقد أعمى والبغض بيناتنا

والحب سجل بالقلوب غياب

والمال حدوصار من غاياتنا

ماعاد نحسب للصداقة حساب

والمنفعة متأصلة بعاداتنا

هجرنا الثقافة وسكروا الكتاب

صار الجهل عنوان لسهراتنا

بعنا القيم صرنا بشريعة غاب

الانسان صاير رقم بحساباتنا

راسوا منكس فارغ الأجياب

لو حكى ما بنسمعوا بلماتنا

ليش الصداقة بنطعنا بحراب

بنحملا شو صار من ويلاتنا

عنَّا حساسي مفرطا وعتاب

ع الفقير الحضر في جلساتنا

بنهاجم المغلوب ما منهاب

حق الضعيف بيرتمي بسلاتنا

شو حكى المحتال حكيو طاب

بنخاف منو يكتشف زلاتنا

بيضل رابح صانع الألعاب

بنصنفوا ع الدوم من ساداتنا

حامل براسو عقدة الأنساب

فكارو وضيعة بتنتقد عاداتنا

لوطرح سمُّو وغرز هالأنياب

بقبورها بتصرخ ألم أمواتنا

Endnotes:
  1. [Image]: http://kfarbou-magazine.com/wp-content/uploads/101_7811-copy-320x2007.jpg

Source URL: https://kfarbou-magazine.com/issue/5033