السبت 4 كانون الثاني 2020: موقع مجلة كفربو الثقافية يطلق العدد السنوي 2020م ضمن سلسلةاصداراته وكل عام وأنتم بخير...  * 

يارب تنصر كل شعب مقهور

 

 

101_7811 copy [320x200]

 

حب الأنا يا ناس عنوان الغرور

ولاعاد أمر الغير يعنينا

والمال صاير أصل كل الشرور

شو ما جمعنا ما بيرضينا

واللي بيجمع مال بيرشرش عطور

ياريت لو نعطش بيسقينا

كان بزمانو المؤمن بطبعو غيور

شو ما طلبنا كان يعطينا

لوخان دهرو كان ع دهرو صبور

بالروح لو نحتاج يفدينا

 

صرنا ورا الدولار بنهرول شهور

نسينا يا حسرة كل ما ضينا

ربك إذا بتعودلو ياابني غفور

من الخير عندو دوم يكفينا

خليك بالايمان شامخ كالنسور

من الأعادي النسر يحمسنا

نحن شعب معروف ع مر العصور

عاداتنا اختلت موازينا

وجدودنا من البشرعملوا حضور

للحب قالوا ع الوعد جينا

أغراب ضعنا بها العصر بين السطور

صاروا الأعادي يشمتوا فينا

يارب تنصر كل شعب مقهور

ويدق طبل الفرح في حينا

ــــــــــــــــــــــــــ

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *