السبت 4 كانون الثاني 2020: موقع مجلة كفربو الثقافية يطلق العدد السنوي 2020م ضمن سلسلةاصداراته وكل عام وأنتم بخير...  * 

ما أ صعب فراق الولف وغيابو

101_7811 copy [320x200]

 

 

ودعت ولفي في شهر نيسان   

                           والحب كان مشرع بوابو

وارجعت ع دياري شبه سكران 

                           أغلى حبيب مفارق حبابو

ما قدرت ودِّع لحظتا الجيران   

                        وتخرسن لساني إلو سبابو

طلعت في وجه القمر زعلان   

                      ولا عاد يضوي عرفت شو صابو

شربان خمر الحب والخلان  

                      شفت البديل يغرز نيابو

وبليلتا حتى الفجر سهران      

                   ما صعب فراق الولف وغيابو

صار الخمر بالقدح سو سكران  

                   بقول عاشق ماكبر مصابو

همسة بأذني وين يا هربان       

                        عنك بيحكو فاقد عصابو

رايح ع نبع المي شو عطشان 

                           من جرتي بسقيك أطيابو

جالس حبيبك ع التخت مرضان 

                       ع فرقتك ما عرفت شو انتابو

مرفوع ضغطو والجسم سخنان

                                  للحب يقرا دوم بكتابو

خايف يعيش القهر والحرمان  

                            بعد الحمامة يطارد غرابو

عندي ثقة بالحب يا ولهان   

                          يرجع إلي ما بيحسب حسابو

ـــــــــــــــــــــــــــــــــــــــــــــ

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *