ياحيف ع المعروف والاحسان

                                    بيضيع بين الأهل والجيران

مع غير أهلو بتصنع المعروف

                              مضوي شموع بقاعة العميان

ــــــ

لا تنتظر رد الجميل بهالدني

                      من شخص  لمعتر أو الشخص الغني

الفلوس بعقول الخليقة مهيمنة

                                     كلو سببها قلة الايمان

ـــــــــ

صرنا يا حسرة بأسوء الأحوال

                              ولا ضل عنا للرجولة رجال

والعنجهية مرافقة المحتال

                         صار الشريف بهاالعصر جوعان

ـــــــــ

داير بها الأيام ع مفرج هموم

                         والعقل صاير ما إلو عنا لزوم

دخلت مفاهيم الحضارة والسموم

                              ولا ضل عنا للقيم أوزان

ـــــــــــــــــ

قطعوا برووس رجالنا الناموس

                       وتغيرت في داخلا النفوس

صرنا بحاجة نفتش القاموس

                         في كل كلمة ندقق بامعان

ـــــــــــ

بدنا الثقافة تعود تبني عقولنا

                       حتى تغير بالحيا مفهومنا

نحنا عدينا للخليقة علومنا

                  بيرسبونا اليوم في كل امتحان

ـــــــــــــــ

صحوة ضمير بحاجتا صرنا أكيد

                             كتيرين عنها الثلج دايب والجليد

وين أهل الفكر والرأي السديد

                          يمحو المآسي يحاربو الشيطان