مصيبة الأسنان
![2013-09-23 20 [320x200]](http://kfarbou-magazine.com/wp-content/uploads/2013-09-23-20-320x200.jpg)
توعى توعى يا إنسان
حافظ دوماً ع الأسنان
مصيبتها كتير كبيره
أوجاعا أشكال ألوان
******
بأمرك لا تبقى حيران
من الألم تبقى سكران
وبالفم يتشكَّل نيران
ليلك ونهارك تعبان
*****
سنانك ع البعض تكزا
وبصعوبة عم تتغذى
واللقمة اللي بتعزا
يا الله منها فزعان
*******
وبتصرخ آه يا ضراسي
وتقول وينك يا راسي
طاير عقلي واحساسي
والمصيبة صارو اثنان
******
لازم تبحث عن شي حل
والآلام بسرعا تفل
ع الدكتور لازم تندل
يعالج بدقة واتقان
********
بعدا بتنسى آلامك
وبتداوي كل أسنانك
وإن شاء الله وعانك
بتقدر تدفع يا إنسان
******
تدفع أموال بالألوف
وبتسمع بعدا وبتشوف
لا تخلي عقلك ملهوف
الله موصي بالرحمن
*******
إذا بحاجة لجسورا
وبتمك في شي بورة
وسنانك اللي فيها جورة
تدفع تقسيط أو بالدين
*******
النصيحة مني اسمعها
والبسمة ع الشفة ازرعها
أسنان المنزوعة اقلعها
بتعيش العمر عمرين
**********
حويلك فرشاية ومعجون
نظفهم ولا تكون مجنون
بتحافظ ع أحلى لون
أبيض زي البيلسان
ـــــــــــــــــ
ــــــــــــــــــــــــــــــــ
طباعة المقال
جاري التحميل ...
بلا مجاملات هذه روعة
يسلم دياتك