by tone | 1 أكتوبر, 2013 7:51 م
[1]
من الألم يولد الأمل…..و بقدر الحرمان يكون الإصرار….لن نيأس و سنكتب حتى يعود لنا الغالي…أُهدي هذه القصيدة إلى الأخ الكبير لكل إنسان في كفربو السيد عبدالله مقدسي أبو بهيج و أتضرع إلى سيدنا يسوع المسيح أن يُحَرَر و يعود إلينا سالماً و غانماً مرفوع الرأس كما عهدناه دائماً……
لاتيأسوا يا أخوتي و أخوات من ربّنا بالرحمات في كل الأوقات و نعمة المسيح
أبو بهيج غالي علينا و جبينه عالي الّي متله كتير قلالِ بالهيبه و الكلام الصريح
خطفوه الأوغاد أججوا نار الأحقاد و تطاولوا ع الأسياد و أصحاب الخُلُق السميح
إنسان رائع محبوب الأهالي و صيته شائع بالخير و الطيب ذائع و بوجهه الصبيح
اعتدوا ع بلدنا بالغدر بفعلهن سيئ الذكر طلبوا منا السعر مكافأة العمل القبيح
فشرت عيون الأندال أبو بهيج خيرة الرجال لا يُقَدَر بثمن و أموال أو دهب صفيح
زعلت كل الأهالي و الحزن لفّ الليالي على أصحاب الجَلالِ و السلوك الصحيح
الله يصبِّر عيلته و يهوّن هول مصيبته ع كل أولاده و أخوته و يكون وضعه مُريح
حلّ الأسى بالدار و الطير ما عاد طار يبس شجر الغار و عصفت بالشَّجَن الريح
ساعدونا يا أخيار يا أبناء وطنّا الأطهار ما حدا إله أعذار بدنا فعل مو بس مديح
أبو بهيج ما قصّر مع الناس أصيل و طيّب الأساس إقرعوا الأجراس لعونة المليح
مهما جرى و صار رح نزيد الإصرار حتى يعود الغالي عالدار و يفرح قلبنا الجريح.
28/05/2013
بقلم الدكتور شحود إيليا زيدان
Source URL: https://kfarbou-magazine.com/issue/5382
Copyright ©2024 مجلة كفربو الثقافية unless otherwise noted.