نصائح للذين يبحثون عن عروس

by tone | 29 ديسمبر, 2013 8:10 م

[1]

 

ما فيك حب بتشتري بالمال

صعبة عيك كتير هيك مسألي

والحب لوحة من تصاميم الخيال

في داخلا هالقلب عم يغلي غلي

قالوا المحبة دوم عنوان الجمال

البحب ما عندو بحياتو عرقلي

دوِّر يا ابني دوم ع بنت الحلال

من بيت مغمورة بأدب هالعائلي

ويكون بيَّ حامل صفات الرجال

وتكون أمِّا باللطافة مكملي

ولا تظن بالمظهر ترى بتقطف غلال

من هيك مظهر رح بتهرب هرولي

بالاختيار اترك فسحة أو مجال

إياك تتسرع بأخطر مرحلي

حب المتيم دوم أصفى من الزلال

ما يوم ظهرت في سلوكه مشكلي

والبنت لو بتحب في عندا وصال

مع قلب هالمحبوب ما في دوبلي

 

ـــــــــــــــــــــ

Source URL: https://kfarbou-magazine.com/issue/6106

---