الاثنين 1يناير 2024: هيئة التحرير وادارة موقع المجلة تبارك للجميع بحلول عام جديد متمنين لكم عاما مليئا بالخير والمحبة راجين من الله أن يعم السلام كل سورية ودمتم بخير ..  * 

يا عيب الشوم

 

565454

 

 

يا عيب ويا عيب الشوم

شعبي مقهور ومظلوم

بو العيلة عايش مقهور

بها الغلا صاير محكوم

**********

والتاجر صاير تمساح

همو تكديس االأرباح

بيطير وما عندو جناح

بيربح ربحه مو معلوم

*********

عم تتوزع معونه

ما بتكفي ربع المونه

يا لجنة يا حنونه

هالعدل عندك معدوم

********

بندخل ع سوق الخضره

ع السعر بناخذ نظره

كل واحد حامل حسره

ترخص شي مره موهوم

*******

البطاطا والبندوره

صارت عنا محظوره

بدها جياب الموفوره

أكلا صاير مالو لزوم

********

و بزور سواق الفروج

وبلاقي حالي محروج

بشوفو معبا في الدروج

مثلج وبحاجة قدوم

***********

سعر السمك يا رجَّال

فاق القدرة وفاق الحال

قللي شو بطعمي العيال

انصحني دخْلكْ يا سلوم(1)

**********

بدخل ع سوق البالي

بحاجة ستره لحالي

سعرا ع المتلي غالي

برجع ع بيتي مأزوم

ـــــــــــــــــــــــ

ـــــــــــــــــــــــ

 

1– يقصد الشاعرالشعبي ميخائيل تامر بـ (سلوم) بالشاعر سلوم درغام سلوم رئيس تحرير مجلة كفربو الثقافية

ـــــــــــــــــــــــــــــــــــــــــــــــــــــــ

التعليقات: 2

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *