خريف الحب

by tone | 30 يناير, 2014 10:20 م

13603524722[1]

 

عندي بهواك يا عيوني مشكله

كل فرد عنا صار عندو عائله

واقع معك غرقان في بحر الغرام

صعبة علينا حل هيك مسأله

ــــــــــ

عندي أمل شي يوم نتلاقى سوا

ضمك لصدري يكون بلسم للدوا

قلبك لقلبي مال عم شوفوا اهتوى

رح طير فيك بعيد آخر مرحله

ـــــــــــــ

كل ما بتحكي بالهوى بتتنهدي

من الخوف حتى من الخجل تترددي

قبله من شفافك يا حلوه مقصدي

حتى القبل في شرع الله محلله

ــــــــــــــــــــــ

ما بنام ليلي بالهوى عايش عذاب

بحلم بحبك دوم وبدربي صعاب

حنِِّي ع قلبي يوم بتنالي الثواب

تكون المحبة بالنجاح مكلله

ــــــــــــــــــــــــ

يم العيون الناعسه متلي أكيد

ساكن بقلبك حب أعمى مع رصيد

بيضغط على الشريان حتى ع الوريد

صمام قلبي بالوريد معطله

ـــــــــــــــــــ

قولي بحبك يمكن بتشفى الجروح

جوات قلبي راح ببنيلك صروح

مطيب عذاب الحب لو عندك وضوح

عندي تكوني مثل طفله مدلله

ـــــــــــــــــــــــــــــــــــــ

خلي المحبة سر ما بيناتنا

خايف عليك العار في عاداتنا

بيضل عايش للأبد جواتنا

والحب لو انكشف عين البهدله

ــــــــــــــــــــــ

Endnotes:
  1. [Image]: http://kfarbou-magazine.com/wp-content/uploads/13603524722.jpg

Source URL: https://kfarbou-magazine.com/issue/6337