العشاق تاري كومة مجانين
by tone | 30 يناير, 2014 10:36 م
[1]
يا قلب غارق في هوى الحلوين
وبحب عمرو تجاوز الخمسين
ما قدرت تنسى حب عمرو شي سنه
العشاق تاري كومة مجانين
ـــــــــــ
بعدك يا قلبي بحب أعمى مبتلي
فوق الجراح بظن عاجز تعتلي
بتضل حامل للمحبة منجلي
مهما اشتد البرد بكوانين
ــــــــــــــــ
وعدك إلي يا قلب تنسى اللي مضى
ماكنت صادق ليش والعمر انقضى
عنك يا قلبي اليوم ما عندي رضى
ناسي وعمرك جاوز السبعين
ــــــــــــــــــــــ
ذنبك ع جنبك صرت عايش بالخيال
بتضل تتذكر سنة بعمرك دلال
قطعوا ترى بيناتنا حبال الوصال
ولا يوم قالوا يا ولف جايين
ـــــــــــــــــــــــــــــــــــ
مسكين يا هالقلب عايش بالعذاب
ولا قدرت تتجاوز بعمرك هالصعاب
محبوبتك يا حيف بتسجل غياب
بلكي الهم بينجلي بتشرين
ـــــــــــــــــــــ
مجنون ليلى كان في حبو ضعيف
غير ليلى بالدني مالو حليف
عاش العذاب وكان حبو بالخريف
ع قبر ليلى مات وبقلبو حنين
ــــــــــــــــــــــــــــــــــــــــــ
- [Image]: http://kfarbou-magazine.com/wp-content/uploads/565454.jpg
Source URL: https://kfarbou-magazine.com/issue/6346